ٹینکی کی ٹکر سے موٹر سائیکل سوار باپ بیٹی جاں بحق۔ اہلیہ و بیٹا شدید زخمی۔

دائرہ دین پناہ کے قریب تیز رفتار ٹینکی کی ٹکر سے موٹر سائیکل سوار باپ بیٹی موقع پر جاں بحق اہلیہ اور آٹھ ماہ کا بیٹا شدید زخمی ۔ تفصیل کے مطابق پنتالیس سالہ ریاض حسین ولد امام بخش قوم کھوسہ سکنہ چک نمبر 172 ٹی ڈی اے ضلع لیہ اپنی اہلیہ زینب بی بی اور دو بچوں پانچ سالہ صائمہ اور آٹھ ماہ کا بیٹا اویس کے ہمراہ موٹر سائیکل پر سوار ڈیرہ غازیخان سے اپنے گھر چک نمبر 172 ٹی ڈی اے واپس جا رھے تھے کہ دائرہ دین پناہ کے قریب تیز رفتار ٹینکی کی ٹکر لگنے سے موٹر سائیکل سوار 45 سالہ ریاض حسین اور 5 سالہ بیٹی صائمہ موقع پر ہی جانبحق ہوگئے جبکہ اہلیہ زینب بی بی اور 8 ماہ کا بیٹا اویس شدید زخمی ہوگئے جنہیں آر ایچ سی ہسپتال دائرہ دین پناہی میں ابتدائی طبی امداد دیکر نشتر ہسپتال ملتان ریفر کر دیا گیا جہاں پر زخمیوں کی حالت تشویش ناک بتائی جارہی ھے ادھر ٹینکی ڈرائیور حادثہ کے بعد فرار ھوگیا جسے ایس ایچ او دائرہ دین پناہ نے تونسہ بیراج سے گرفتار کرکے حوالات میں بند کر دیا تاہم حادثہ کا شکار افراد کی نعشیں پوسٹ مارٹم کے بعد ورثاء کے حوالے کر دی گئیں ۔