محکمہ تعلیم سکولز ایجوکیشن کے ریشنلائزیشن کے بارے میں دعوے جھوٹے ثابت۔

محکمہ سکولز ایجوکیشن پنجاب کے ریشنلائزیشن بارے تمام تر دعوے جھوٹے ثابت ہوگئے 47 ہزار اساتذہ کو اضافی قرار دے دیا۔ تفصیلی جائزے کے بعد حقیقت میں صرف 14 ہزار اساتذہ ہی اضافی ثابت ھوئے ۔ ایک سال تک ریشنلائزیشن سے اساتذہ کی قلت دور کرنے کے وعدے کئے گئے لیکن اس وقت 50 ہزار اساتذہ کی کمی ھے ریشنلائزیشن کے تحت 14 ہزار اساتذہ کا بندوبست ھوسکا لیکن صورت حال اس وقت انتہائی پیچیدہ ھے کیونکہ 14ہزار میں سے صرف ایک ہزار اساتذہ نے نئی پوسٹنگ کو جوائن کیا ھے دوسری طرف محکمہ تعلیم سکولز ایجوکیشن نے خبردار کیا ھے کہ جو اساتذہ اپنی نئی پوسٹنگ پر حاضر نہیں ھونگے ان کے خلاف پیڈا ایکٹ کے تحت کاروائی عمل میں لائی جائیگی دوسری طرف اساتذہ اور دیگر ملازمین کی تنظیمیں حکومت کے اس اقدام کے خلاف سراپا احتجاج ہیں اس کے باوجود حکومت ٹس سے مس نہیں ھو رہی جس سے ٹکراؤ کی صورت حال پیدا ھو سکتی ھے