مظفر گڑھ پتن کے ٹھیکوں میں بے ضابطگیوں پر اہلکاروں کے خلاف مقدمہ درج ۔

انٹی کرپشن مظفرگڑھ نے 7 اہلکاروں اور 22 ٹھیکیداروں کے خلاف مقدمہ درج کرلیا تفصیل کے مطابق ضلع کونسل مظفر گڑھ کے پتن کے ٹھیکوں کی نیلامی میں سنگین بے ضابطگیوں کا انکشاف ھوا ھے انٹی کرپشن نے سرکاری خزانے کو نقصان پہنچانے کے الزام میں 7 اہلکاروں اور 22 ٹھیکیداروں کے خلاف مقدمہ درج کرلیا جبکہ 2 اہلکار گرفتار اس کرپشن میں ضلع کونسل کے دو سابق چیف آفیسر اور ایک سابق فنانس آفیسر بھی ملوث پائے گئے ہیں ایف آئی آر کے مطابق ان افراد نے ملی بھگت سے من پسند ٹھیکیداروں کو رشوت وصول کرکے غیر قانونی طور پر نوازا یعنی غیر شفاف طریقے سے پتن کے ٹھیکے الاٹ کئے جس سے سرکاری خزانے کو بھاری نقصان پہنچا گرفتار اہلکاروں میں نوید اور حسن شامل ہیں جبکہ دیگر کی گرفتاری کےلئے کوششیں جاری ہیں ۔