کمشنر ڈیرہ غازیخان محمد اشفاق چوھدری کی مظفرگڑھ آمد سیلابی صورت حال کا جائزہ حفاظتی اقدامات پر غور۔

دریائے چناب میں متوقع سیلاب کے پیش نظر کمشنر ڈیرہ غازیخان محمد اشفاق چوھدری مظفرگڑھ پہنچ گئے جہاں انہوں نے ضلعی انتظامیہ اور متعلقہ اداروں کے ساتھ سیلابی صورت حال کا تفصیلی جائزہ لیا کمشنر ڈیرہ غازیخان نے ڈی سی آفس مظفرگڑھ میں اعلی سطح کے اجلاس کی صدارت کی ۔اجلاس ہذا میں ڈی سی مظفر گڑھ محمد طاہر جپہ ،چیف انجنئیر اریگیشن ڈی جی خان رانا ذولفقار، اے ڈی سی آر عوید ارشاد بھٹی، اور ایڈیشنل کمشنر میڈم انعم سمیت متعلقہ اداروں کے سربراہان نے بھی شرکت کی اجلاس میں ممکنہ خطرات اور حفاظتی اقدامات کا جائزہ لیا گیا اجلاس میں ریسکیو 1122،محکمہ انہار، صحت،پولیس،سول ڈیفنس اور دیگر محکمہ جات کے افسران نے ممکنہ سیلاب سے نمٹنے کےلئے اپنی اپنی تیاریوں کے بارے میں بریفنگ دی